samay samay kii Khalish me.n teraa malaal rahe

samay samay kii Khalish me.n teraa malaal rahe 
judaa_iiyo.n me.n bhii yuu.N aalam-e-visaal rahe 

anaa kii jang me.n ham jiit to gaye lekin 
phir us ke baad bahut der tak niDhaal rahe 

raah-e junuu.N me.n yahii zaad-e-raah hotaa hai 
ke justajuu ba.De divaanagii bahaal rahe 

hasii.n raate.n bhii mahake.n tumhaarii yaado.n se 
ka.De dino.n me.n bhii pal pal teraa Khayaal rahe 

tuu ek baar zaraa kishtiyaa.N jalaa to sahii 
hai kyaa majaal ke ek lamhaa bhii zavaal rahe