is rishtaa-e-latiif ke isaraar kyaa khule.n
tuu saamane thaa aur tasavvur Khudaa kaa thaa

chale bahisht se ham nikahat-e-bahaar ke saath 
shikast khaataa hai lekin ba.De vaqaar ke saath 

ek but mujhe bhii goshaa-e-dil me.n pa.Daa milaa 
vaa_iz ko vaham hai ke usii ko Khudaa milaa 

nuqt kaa saath nahii.n detaa zahan 
shukar karataa huu.N gilaa lagataa hai 

umr bhar sang-zaanii karate rahe ahal-e-vatan 
ye alag baat ke dafanaaye gaye aijaaz ke saath 

jashn-e-insaan shumaarii me.n sar ginane nikale ahal-e-hakkam
murdaa ho ke un kii zaruurat se ham bhii zindo.n me.n shumaar hue

kunj-e-zindaa.N me.n pa.Daa sochataa huu.N 
kitanaa dil_chasp nazzaaraa hogaa
ye salaaKho.n me.n chamakataa huaa chaa.Nd 
tere aa.Ngan me.n bhii nikalaa hogaa