gul ko mahabuub me.n qayaas kiyaa
Meer Taqi Meer
gul ko mahabuub me.n qayaas kiyaa
farq nikalaa bahot jo baas kiyaa
[qayaas=thought]
dil ne ham ko misaal-e-aaiinaa
ek aalam se ruu-shinaas kiyaa
[ruu-shinaas=introduced]
kuchh nahii.n suujhataa hame.n us bin
shauq ne ham ko be-havaas kiyaa
subah tak shamaa sar ko Dhu.NDhatii rahii
kyaa pata.nge ne iltemaas kiyaa
[iltemaas=request]
aise vahaashii kahaa.N hai.n ae Khubaa.N
'Meer' ko tum ne abas udaas kiyaa