apane marane kaa nahii.n Gam lekin
haaye tujh se judaa_ii hotii hai

gar nahii.n suurat dikhaate bhej do tasviir hii
Khair isii hijr me.n pesh-e-nazar rakhe.nge ham

gul se bhii naazuk badan us kaa lekin dosto
ye Gazab kyaa hai ke dil pahaluu me.n patthar saa banaa

mere dil me.n thaa ke kahuu.Ngaa mai.n jo ye dil pe ranj-o-malaal hai
vo jab aa gayaa mere saamane na to ranj thaa na malaal thaa

 
na thii apanii buraa_iyo.n kii jo Khabar
rahe dekhate auro.n ke aib-o-hunar
pa.Dii apane gunaaho.n pe jo nazar
nigaah me.n ko_ii buraa na rahaa

 
ye chaman yuu.N hii rahegaa aur hazaaro.n jaanavar
apanii apanii boliyaa.N sab bol kar u.D jaaye.nge

 
'Zafar' kyaa puuchhataa hai raah mujh ko us se milane kii iraadaa ho agar teraa to har jaanib se raastaa hai